InfoPool > Schulfächer > Musik > CD-Sammlung > Schülerbands

Schülerband «Difference» 1999: Ogi-Song

Ogi-Song 1999

(T. & M. Michael Bischof, Arr. Difference)

Ogi-Song am Radio (RSR)

Ogi - Ogi - Ogi - Ogi / Dölf, Dölf! ? Ogi - Ogi - Ogi - Ogi
Dölf, Dölf!

Hey, itz isch er's auso worde und s git Lüt die frage sich
Öb ächt würklech..., öb nid ehnder..., oder angeri vilicht...?
Sigs im Fernseh, sigs ir Zitig, jede Stammtisch weiss genau
Wie's am beschte wäri gsi, aber leider isch das i däm Fau
Aues z spät, wüu er's itze äbe isch u drum verblibe
Nume Frage über Frage, wo ke Sou wott drüber schribe
Nume üs hets de bim Hirne zu däm Song uf einisch gfunk't
Und so bringe mir üsi Frage zum 'Herr Ogi' ufe Punkt:

Wenn chunnt är am Abe hei?
Fühlt är sich ächt viu elei?
Grännet är ächt mängisch ou?
Was verzellt är aues sire Frou-ou-ou ou?
Ogi - Ogi - Ogi - Ogi / Dölf, Dölf! ? Ogi - Ogi - Ogi - Ogi
Dölf, Dölf!

Schribt dr Ogi sini Sache no vo Hand oder mit me Mac?
Und we's Güezi ufem Tisch het, frisst är die den angere wägg?
Wie isch er ächt allgemein deheime, wenn er nume Vater isch?
Isch er Macho oder Tscholi, u hout er hüffig ufe Tisch?
Hiuft er mängisch ou dr Frou, treit är ds Ghüder usem Huus?
Chunnt ächt dä bim Programmiere vom ne Videorecorder druus?
Lost är Musig, und wenn ja: isches klassisch oder ächt
Irgendöppis usem Kandertal? Hey Folks es wird mir schlächt,
Wüu dä sicher vom ne richtige Sound ke blasse Schimmer het...
Los, dä Ogi geit - i wette - mit eme Örgeli i ds Bett!
Kontrolliert bime Bundesrat im Büro öpper, ob er schaffet?
Isst är Schoggi oder Nüssli, wenn er einisch Fernseh gaffet?

Isch dr Ogi eigentlech riich?
Si n ihm d Ogi-Witze gliich?
Git's Momänte, wo's ne ma?
Gseht me n ihm das denn o a-a-a-a?

Ogi - Ogi - Ogi - Ogi / Dölf, Dölf! ? Ogi - Ogi - Ogi - Ogi
Dölf, Dölf!

Isch er würklech sone Bärner, e chli langsam, e chli blöd?
U dr Schnuri - wo wohnt er itz scho wider? - meint " Das stört mich nöd!"
Isch är sich, wenn är bi schlimmschte Aawürf lächlet und sich fasst?
Oder tuet är nume so, demit er zu de Zürcher passt?
Was macht dä ächt so als Hobby, hett er überhoupt no Zit?
Tuet dä würklech geng no jogge, wüu es heisst, är sigi fit?
Het d Frou Ogi deheim e Blocher oder darf si dä nümm ha?
Und wie glänzt si itz dr Bode, oder macht das ihre Ma?

Isch er geng no dä Giu usem Oberland?
Bruucht statt viu Titu si Mönscheverstand?
Isch's Dölf oder Christoph, wo d Lüt versteit?
Wär wird vo wäm inegleit?

Ogi - Ogi - Ogi - Ogi / Dölf, Dölf! ? Ogi - Ogi - Ogi - Ogi
Dölf, Dölf!

Gfaut im Ogi d Arbeit z Bärn?
Het ihn sini Frou no gärn?
Hei si ächt es gmüetlechs Huus?
Wie gseht's ächt dert inne us?
Het dr Ogi Witz u Charme?
Isch si töifschti Chärn ächt warm?
Chan är längi Küss o gä?
Wär möcht är i d Arme nä?

Ogi - Ogi - Ogi - Ogi / Dölf, Dölf! ? Ogi - Ogi - Ogi - Ogi
Dölf, Döööölf!

Zur 2. Bundespräsidentenfeier unseres Gemeinde-Ehrenbürgers
15. Dezember 1999
Fraubrunnen BE
Schülerband Difference; (T.&M. /bi)

Livia Ernst, voc
Nina Locher, voc
Marina Wanner, voc
Patrick Bongni, voc

Matthias Dreier, guit
Nicole Zaugg, kbd-bass
Renato Howald, dr

Jonas Weingart, sax
Jorn Swinnen, sax
Matthias Jenni, sax
Lena Rohr, cl
Evelyne Gfeller, sfl
Jacqueline Bezençon, afl
Barbara Jakob, tfl
Stefanie Jenni, tfl
Simon Reber, cello