InfoPool > Schulfächer > Musik > CD-Sammlung > Schülerbands

Schülerband Primarschule ad hoc / Einweihung Prim'schulhaus 2000

Isch's nid schön usecho?

(T. & M. Michael Bischof, Arr. EvS)

Luueeeeg,
Isch‘s nid schön usechoooo?
Schön usecho, chumm doch mau ine und luueeeeg?
Da muesch doch säuber säge:
Luueeeeg,
Isch‘s nid schön usechoooo?
Schön usecho, chum doch mau ine und luueeeeg?
Da muesch doch säuber säge: Lueg

Für ganz spezielli Zwäcke het‘s es Sitzigszimmer
Und en Allzwäckruum, für weli Zwäcke dä o immer
Mögi guet si, das steit niene aber dür di grosse Feischter
Hei ja aui Lüt hie Iiblick, und gseh exaktischtens weli Geischter
I däm Hus um weli Zit u äbe vorauem für wele Zwäck
Hie no hocke, rede, schribe, singe oder nume Dräck
Ineschleipfe, wo me denn vo de wisse Bodeplatte chuum
Wider wäg bringt aber s‘sich ja glich, drfür hets itz meh Ruum.

Luueeeeg, Isch‘s nid schön usechoooo? ...

Das Schuelhus isch voll mit Technik, das gsesch nid, aber s‘isch no cool
Muesch zum Biispiu ds Liecht nid lösche, s‘geit säuber, macht di fuul
Drücksch es Chnöpfli, u scho si d Store dunge, u das mach i gärn
Das isch nümm wie früecher: Kurble, u de dr Chrampf i beiden Ärm.
Und im Singsaal obe hets es grosses Radio oder so
Wenn d dert ufdreisch blost‘s im Fau di chline Schüler grad dervo!
Aber die hei ja neui Pultli, wie im ne Büro, alles grau
U mit de Stüel chasch ufe - abe, i ha‘s lang probiert, s‘isch genial!

Luueeeeg, Isch‘s nid schön usechoooo? ...

Statt es Handschizimmer, wie me früecher gseit het, hets im Chäuer
Neu e 'Wärkruum für ds Textile‘ und demit me dert chli schnäuer
Zum ne Menu chunt oder ou nume zum ne Café oder Chueche
Hei die‘s gschafft für sich elei e haubi Chuchi chönne z bueche
Übrigens: das neue Iigangshüsli het ke Franke koschtet
Wüu dä Briefchaschte het e nätte, gäube Sponsor für üs poschtet
Sogar d Liechtathlete wärde i däm neue Schuelhus fit
Wüu‘s im Parterre-Gang itz äntlech e deckti Sprinterstrecki git.

Luueeeeg, Isch‘s nid schön usechoooo? ...

Primarschule Fraubrunnen / Einweihung des Schulhausanbaus März 2000
Für die Schülerband
«Echo vom Sänkloch» (5. Kl.)